Edon Zhegrova shkëlqeu në fitoren e Lille ndaj Real Madrid. Francezët triumfuan 1-0 dhe futbollisti “dardan” bëri një nga ndeshjet më të mira në karrierën e tij futbollistike.
Sulmuesi u shpall edhe lojtari i ndeshjes, ndërsa ishte protagonist, pasi fitoi edhe penalltinë që e shndërroi në gol Jonathan David. Pas sfidës ka folur Zhegrova, ku ka theksuar se ishte shpirti i ekipit që bëri diferencën në këtë përballje.
“Mendoj se shpirti i ekipit tonë e bëri diferencën. Secili dha gjithçka nga vetja, në secilën pozitë. Kjo ishte ajo që e kërkoi trajneri sepse e dimë që Real Madridi ka kualitet të madh.
Por, mendoj se ishte shpirti i ekipit dhe të gjithë së bashku, që e bëri diferencën.
Besoj se, nëse vazhdojmë kështu, me të njëjtin mentalitet dhe të njëjtin shpirt, shpresoj se mund të shkojmë sa më larg që të jetë e mundur.
Por, ne e dimë se Champions League është një garë e madhe me ekipe të mëdha, por duhet të mundohemi ta fitojmë çdo lojë”, ka theksuar Zhegrova.
