Barcelona është e vendosur për të kërkuar drejtësi për vendimet e dyshimta të arbitrit Istvan Kovacs në ndeshjen e parë çerekfinale që skuadra luajti përballë Atletico Madrid në "Camp Nou", e përfunduar me humbje 0-2.
Katalunasit gjykojnë se kryesori nuk ka mbajtur një lojë të drejtë, duke i mohuar vendasve një penallti të pastër. Drejtuesit e klubit nuk kursejnë as VAR-in për mungesën në ndërhyrjen e vendimeve të arbitrit. Për këto arsye, ata kanë nisur dhe një ankesë zyrtare ndaj këtij organi duke e përballur me fakte konkrete që sipas tyre, kërcënojnë garën e drejtë dhe ndikojnë në rezultatin e ndeshjes.
Sakaq, sfida e kthimit pritet të jetë një "malore" për djemtë e Hansi Flick të cilët duhet të bëjnë një kthesë të çmendur për të besuar një kualifikim për gjysmëfinalen, ku në rastin më të mirë do të gjenin përballë një mes çiftit Arsenal dhe Sporting.
KOMUNIKATA E PLOTË:
"FC Barcelona njofton se shërbimet ligjore të Klubit kanë paraqitur sot një ankesë në UEFA në lidhje me ngjarjet në ndeshjen e parë çerekfinale të Ligës së Kampionëve UEFA kundër Atlético Madrid. Klubi konsideron se arbitrimi nuk i është përmbajtur ligjit aktual, duke ndikuar drejtpërdrejt në mënyrën se si loja kishte vazhduar siç duhet, një lojtar kundërshtar mori topin në zonën e tyre pa iu treguar penalltia përkatëse.
FC Barcelona e kupton se ky vendim, së bashku me mungesën e rëndë të ndërhyrjes nga VAR, përfaqëson një gabim të madh. Prandaj, Klubi ka kërkuar hapjen e një hetimi, akses në komunikimet e arbitrimit dhe, kur është e aplikueshme, pranimin zyrtar të gabimeve dhe miratimin e masave përkatëse.
Në të njëjtën linjë, FC Barcelona konsideron se kjo nuk është hera e parë në edicionet e fundit të Ligës së Kampionëve UEFA që vendimet e pakuptueshme të arbitrimit kanë pasur një efekt të dëmshëm në ekip, duke krijuar një standard të dyfishtë të qartë dhe duke penguar konkurrimin kundër klubeve të tjera në një nivel të barabartë loje."
Lexo gjithashtu
