Sfida e datës 22 nëntor e riktheu mesfushorin Nedim Bajramin, në fushë pas një muaji mungesë. Përballja e skuadrës së tij, Rangers me Livingston u mbyll me rezultatin 2-1.
Në sfidën e fituar ndaj Livingston, ai u fut në lojë në minutën e 64-të. Aktivizim ky, i bërë nga trajneri i ri Dani Rohl. Për paraqitjen e tij ka folur edhe tekniku i skuadrës, i cili ka theksuar se ishte momenti i duhur i Bajramit për të shkëlqyer.
Ndër të tjera ai shtoi se zgjodhi ta fuste në lojë pasi kishte ndjesi të mirë për të duke vlerësuar dhe përkushtimin e tij.
“Ai e priste këtë mundësi. Disa lojtarëve u duhet një moment i tillë për të treguar se kur mund të na japin kontribut. Gjatë pushimit të kombëtareve patëm një ndjesi të mirë për të. Nedimi pati momente pozitive, tregoi shpirt gare”, ka thënë trajneri Rohl.
Rikujtojmë se 26-vjeçari, Bajrami është bërë pjesë e Rangers në 30 gusht të vitit 2024, ndërsa kontrata e tij skadon në 31 maj të 2028-ës.
