Bayern Munich do të udhëtojë në transfertë për të sfiduar Interin, takim i vlefshëm për çerekfinaln e kthimit në Champions League. Duel ky që është programuar të zhvillohet ditën e mërkurë në orën 21:00 në "San Siro”.
Përballja e parë mes gjermanëve dhe italianëve ka përfunduar 2-1 në favorin e zikaltërve. Për këtë sfidë ka folur Joshua Kimmich, i cili ka theksuar se është e dhimbshme të jesh më i miri dhe të mos fitosh. Ndër të tjera i ka bërë “thirrje” shokëve të skuadrës që të shfrytëzojnë më shumë mundësitë e krijuara, pasi në të kundër do të dështojnë.
“Ajo që më shqetëson më shumë është se në fushë skuadra nuk është gjithmonë mirë. Duhet të rritemi, të bëhemi të pjekur dhe efikas. Të gjithë jemi duke punuar shumë, duke krijuar shumë mundësi të mira, por nuk po i shfrytëzojmë ato. Duhet të rritemi, sepse sidomos në fillim të sezonit kemi shfrytëzuar shumë më tepër mundësitë që krijonim. Nëse vazhdojmë të humbim kaq shumë mundësi, nuk do të jemi në gjendje të shkojmë në gjysmëfinale, duhet të shfrytëzojmë hapësirat që na krijohen”, ka deklaruar gjermani.
Lexo gjithashtu
