Barcelona e nisi sezonin e ri të Champions League me humbjen 2-1 përballë francezëve të Monaco. Katalanasit u penalizuan që në start teksa u ndëshkuan me karton të kuq dhe nuk ia dolën të ‘mbijetonin’ deri në fund pavarësisht përpjekjeve.
Pas kësaj sfide ka folur trajneri i spanjollëve, Hansi Flick i cili e shikon si ndeshje pozitive, ndërsa kartonin e kuq e sheh si shkakun kryesor të rezultatit negative.
“U mbrojtëm me shumë pasion. Kartoni i kuq e ndryshoi tërësisht lojën. Lojtarët ishin të zhgënjyer në dhomën e zhveshjes dhe i kërkova që ta mbanin kokën lart. Të gjithë japin më të mirën në këtë moment dhe jam krenar me këtë ekip. Kur fiton 5 ndeshje dhe humb 1, atëherë mendon se nuk është ndeshja më e mirë.
Në fund pashë shumë gjëra pozitive dhe na duhet të mendojmë në të njëjtën mënyrë për ndeshjen e radhës në La Liga. Duhet ta pranojmë atë çfarë ndodhi. Kemi edhe 7 ndeshje të tjera në Ligën e Kampionëve për të arritur objektivin tonë”, tha Hansi Flick pas humbjes ndaj Monacos.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
