Barcelona u turpërua në çerekfinalen e Uefa Champions League duke u përmbysur nga Paris Saint-Germain në ndeshjen e kthimit. Edhe pse katalanasit fituan 2-3 ndeshjen e parë, humbën të dytën me rezultatin 1-4 me parizienët që kapën gjysmëfinalen.
Megjithatë, ajo ç’ka ndryshoi rrjedhën e lojës është padyshim kartoni i kuq u Ronald Araujo. Mbrojtësi i Barcelonës bëri një ndërhyrje ndaj Barcola, që rezultoi fatale dhe u ndëshkua me karton të kuq. Pas kësaj sfide, Ilkay Gundogan thotë se po të mos ishte marrë ai karton i kuq nga Araujo, ndeshja do të shkonte ndryshe.
“Jam shumë i zhgënjyer, kualifikimi ishte në dorën tonë, por ia dhuruam kundërshtarëve në mënyrën më të lehtë të mundshme. Është e vështirë të mendosh se çfarë të bësh në momente si ai i Araujos, por nëse zgjedh të ndërhysh duhet të jesh i sigurt që e kap topin.
Në rast se nuk e bën këtë të fundit, më mirë është që të pësosh gol apo dhe ta lejosh kundërshtarin të dalë i vetëm me portierin, pasi kurrë nuk i dihej, nëse Barcola do të shënonte apo jo. Araujo duhet t’i dhuronte mundësinë portierit që të ndërhynte.
Kur mbetëm në disavantazh numerik, u ‘vra’ ndeshja, ai karton i kuq për Araujon prishi gjithçka”, është shprehur mesfushori i Barcelonës.
