Arsenali është një nga skuadrat që do të synojë të fitojë Champions League këtë sezon. “Topçinjtë” në gjysmëfinalen e këtij turne do të sfidojnë PSG-në, në një ndeshje që pritet të jetë mjaft e luftuar dhe emocionuese.
Skuadra angleze ka arritur të bëjë mjaft mirë deri tani në këtë turne. Gary Neville ka folur për mundësinë e triumfit të Arsenalit, ndërsa shpeh dëshirën që në fund ta ngrejnë në qiell ata këtë trofe, pasi sipas tij Mikel Arteta e meriton.
“Nuk do ta kisha problem ta shihja Arsenalin ta fitonte trofeun e Champions League. Unë do të doja që ata ta fitonin atë. Unë dua që Arsenali ta fitojë atë për Artetën me të vërtetë.
Unë mendoj se duke qenë atje pesë vjet, ai ka nevojë për atë trofe të madh. Ai ka nevojë për një trofe”, ka theksuar ish-lojtari i Manchester United.
