Mesfushori brazilian, Carlos Casimiro do të largohet nga Manchester United në fund të sezonit, pas skadimit të kontratës së tij aktuale në “Old Trafford”.
Njoftimi i largimit të tij i jep fund qëndrimit 4-vjeçar tek “Djajtë e Kuq”, ku ai shënoi në një fitore në finalen e Kupës së Ligës në vitin 2023 dhe arriti në dy finale të Kupës FA, duke fituar garën në vitin 2024.
Casemiro ishte gjithashtu pjesë e skuadrës së United që arriti në finalen e Europa League në maj të sezonit të kaluar.
Mesfushori brazilian erdhi nga klubi i Real Madrid me palmarës të "artë" trofesh dhe nënshkroi për Manchester United në gusht të 2022-shit.
Edhe pse kishte mundësinë të aktivizonte një zgjatje 12-mujore në fund të sezonit, vendimi nuk është finalizuar nga asnjëra prej palëve duke pëfunduar kështu në ndërprerjen e bashkëpunimit.
Lajmi për largimin e futbollistit është konfirmuar edhe nga postimi i gazetarit sportiv, Fabrizio Romano në rrjetin social “Facebook”.
Lexo gjithashtu
