PSG mori një fitore spektakolare ndaj Marseille në Ligeu 1. Ekipi i drejtuar nga Luis Enrique triumfoi 5-0 ndaj kundërshtarëve të tyre në një sfidë fantastike.
Pikërisht pas këtij suksese, ish-trajneri i Barcelonës ishte mjaft i lumtur. Enrique theksoi se skuadra mori atë që dëshironte, ndërkohë thuri elozhe edhe për Ousmane Dembele. Ky i fundit shënoi dopietë dhe asistoi në një tjetër rast.
“Ne parashikuam një ndeshje të vështirë dhe mendoj se pjesa e parë ishte ashtu siç e prisnim, por e mposhtëm kundërshtarin dhe luajtëm shumë mirë.
Është kënaqësi për mua të luaj ndeshje të tilla në atmosferën e mrekullueshme të krijuar nga tifozët tanë. Ky është një moment i rëndësishëm i sezonit për ne dhe ajo që duam është të përmirësohemi me çdo ndeshje.
Ne vazhdojmë të punojmë me idetë tona. Kjo ligë ishte e veçantë, edhe pse performuam shkëlqyeshëm. Megjithatë, skuadra e Lens është e aftë të vazhdojë të fitojë dhe do të jetë gjithashtu e vështirë për shkak të Lyon. Është një kohë e veçantë dhe ne jemi të lumtur që rifitojmë këtë nivel dhe efikasitet. Në të ardhmen, do të ketë ndeshje të rëndësishme në Champions League dhe në Ligue 1.
Dembele? Ai është një lojtar ndryshe dhe kjo është arsyeja pse fitoi Topin e Artë. Stili i tij i lojës është unik dhe është mirë të kesh një lojtar të një kalibri të tillë. Jam shumë i lumtur me ekipin dhe duhet të vazhdojmë”, ka përfunduar timonieri i parizienëve.
Lexo gjithashtu
