Karl-Heinz Rummenigge ka folur në Gjermani rreth kombëtares dhe Kupës së ardhshme të Botës. Legjenda e futbollit gjerman ka dhënë një intervistë për Sport Bild.
Ish-futbollisti i Bayern Munchen ka komentuar gjendjen e “Panzerave” nën drejtimin e Nagelsmann. 69 vjeçari ka kërkuar që euforia të ulet në kampin e Deutschland dhe pritshmëritë mos të jenë shumë të mëdha.
“Unë do të rekomandoja që të ulen pritshmëritë. Trajneri duhet të sjellë më shumë përulësi sesa mendime për fitimin e Kupës së Botës.
Në një Botëror si ky në SHBA, zakonisht favorizohen kombëtaret amerikano-jugore.
Në vitin 1994 më kujtohet që kemi luajtur ndaj Koresë së Jugut në temperatura rreth 40 gradë. Në Meksikë, disa stadiume ndodhen në lartësi të mëdha mbi nivelin e detit. Kjo duhet mbajtur parasysh.
Prandaj, kombëtaret europiane nuk favorizohen shumë për vitin 2026”, u shpreh ikona e klubit bavarez.
Lexo gjithashtu
