Me përfundimin e sezonit të Bundesligës, Jonathan Tah po përgatitet për kapitullin tjetër të karrierës së tij, teksa largohet nga Bayer Leverkusen. Kontrata e mbrojtësit skadon në fund të muajit të ardhshëm dhe lojtari nuk do ta rinovojë kontratën e tij. Prandaj, ai do të jetë i disponueshëm si agjent i lirë gjatë verës.
Statusi i Tah si një agjent i mundshëm i lirë ka vënë në “alarm” shumë klube, përfshirë skuadra si Barcelona, Real Madrid dhe madje edhe Bayern Munchen. Këto tre klube janë lidhur me një transferim të Tah për një kohë të gjatë. Në fakt, pati edhe raste kur mendohej se Barcelona ishte gati të nënshkruante me lojtarin e kombëtares gjermane si transferim i lirë.
Megjithatë, marrëveshja e Barcelonës për të nënshkruar Tah ka ngecur që atëherë, dhe sipas Fabrizio Romano, është Bayern Munich që është favoriti i qartë për të nënshkruar mbrojtësin e Leverkusen.
Romano shton se Tah tashmë e ka marrë ofertën nga Bayerni dhe nuk do të kalojë shumë kohë para se gjermani të marrë një vendim përfundimtar. Kjo mund të vijë si një goditje e vërtetë për Barcelonën, pasi katalanasit kishin një mundësi ideale për të nënshkruar me një nga mbrojtësit më të mirë në Bundesligë si transferim i lirë.
Lexo gjithashtu
