Legjenda e klubit të Milanit, Arrigo Sacchi ka folur së fundmi për situatën e ekipit italian me trajneri Stefano Pioli. Ky i fundit është shumë pranë largimit nga roli i trajnerit të Milanit, por me këtë gjë nuk është dakord Sacchi.
Ish-tekniku i Milanit të ‘artë’, është shprehur se Pioli ka bërë mirë në pankinën e kuqezinjve, madje Sacchi kërkon që trajneri emilian të konfirmohet edhe për sezonin e ardhshëm.
“Unë mendoj se rrugëtimi i Stefano Piolit në pankinën e Milanit ka qenë pozitive. Pse të mos konfirmohet në drejtim të skuadrës? Ai fitoi një titull kampion me klubin që kishte shpenzuar më pak se rivalët.
Në atë rast i mahniti të gjithe dhe e zbaviti pulbikun. Ndërkohë që këtë sezon është i dytir në kampionat. Do të thotë që vetëm Interi ka bërë më mirë.Trajneri meriton respekt për atë ç’ka i ka dhënë Milanit dhe për mënyrën se si u soll.
Nuk mendoj se konfirmimi i tij është një hap pas. Ai është një trajner që ka qenë në gjende të përmirësohet me kalimin e kohës. Ai edhe ka gabuar, por është njerëzore të gabosh”, është shprehur ish-trajneri i Milanit, Arrigo Sacchi.
Lexo gjithashtu
