Wissam Ben Yedder, sulmuesi 33-vjeçar me origjinë tuniziane, u dënua me dy vjet liri me kusht në një gjykatë në Nice për sulm seksual dhe drejtim të mjetit në gjendje të dehur.
Përveç rastit të abuzimit, paralelisht po zhvillohet një hetim për përdhunimin që dyshohet se është kryer nga Ben Yedder vitin e kaluar.
Në gushtin e vitit 2023, futbollisti që ka veshur në 19 ndeshje fanellën e kombëtares së Francës dhe vëllai i tij u akuzuan për përdhunim, tentativë përdhunimi dhe sulm seksual. Padia është ngritur nga dy femra të moshës 19 dhe 20 vjeç, të cilat pretendojnë se gjithçka ka ndodhur në një hotel.
Atij i është caktuar një garanci prej 900 mijë eurosh, të cilën e ka paguar, teksa ka depozituar shifrën e 1.6 milionë eurove në llogarinë e vajzës që e akuzonte. Yedder ka transferuar para përmes transaksioneve fiktive tw Jerome de Bontin, ish-kreut të një banke në Monako.
Lexo gjithashtu
