Jose Mourinho ka folur për akuzat që i bënë Galatasaray për racizëm. Për “Sky Sport News” portugezi ka theksuar se nuk është shqetësuar aspak dhe ka qëndruar i qetë, pasi ai e dinte të vërtetën.
Ndër të tjera ka deklaruar se asnjë nuk i di lidhjet që ka me Afrikën dhe afrikanët. Timonieri i Fenerbahces nënvizoi se ishte e kundërta e atyre që pretenduan, ndërsa ai e njeh mjaft mirë veten e tij.
“Ata nuk ishin të zgjuar në mënyrën se si më sulmuan, sepse nuk e dinin të kaluarën time. Ata nuk i dinin lidhjet e mia me Afrikën, me njerëzit afrikanë, lojtarët afrikanë dhe organizatat bamirëse afrikane. Kështu që në vend që të dilnin kundër meje, unë mendoj se u bë bumerang dhe shkoi kundër tyre.
Të gjithë i dinë cilësitë e mia të këqija, por kjo nuk është njëra prej tyre. Pikërisht e kundërta! Gjëja më e rëndësishme është që unë e di kush jam dhe sulmi që më akuzuan për racizëm ishte një zgjedhje e keqe”, theksoi portugezi.
Lexo gjithashtu
