Sulmuesi i Stuttgart, Serhou Guirassy ka ndezur merkaton pas një sezoni fantastik që po zhvillon deri më tani. Bomberi nga Guina ka “shpërthyer” këtë sezon, teksa ka shënuar plot 19 gola në 16 paraqitje, por ka dhënë edhe një asist.
Falë kësaj super performance, dy gjigandë të futbollit europianë kanë nisur “luftën” për shërbimet e sulmuesit. Milani dhe Manchester United janë vënë në garë për të transferuar sulmuesin të cilin e shohin si perfektin për repartin që Guirassy mbulon.
Por kjo përplasje midis dy “Djajve” do të vendoset nga vetë lojtari. Ky i fundit është në bisedime të avancuara me Milanin, por ka kërkuar tek kuqezinjtë 5 milionë euro rrogë. Italianët hezitojnë t’i ofrojnë një pagë të tillë 27-vjeçarit, por duhet të gjejnë një zgjidhje pasi United është “pas dere”, gati për të përfituar.
Lexo gjithashtu
