Neymar JR qëndroi në kryeqytetin francez, Paris të paktën deri në merkaton e janarit.
Edhe pse u kërkua nga skuadrat më të mëdha të kontinentit, ylli brazilian nuk vendosi të largohet nga “Parc des Prince”, duke qëndruar me PSG-në. Një sinjal ky që mes tij dhe klubit nuk ka krisje dhe për këtë fakt, PSG mendon ta shpërblejë.
Sipas “Don Balon”, kampionët në fuqi të Ligue 1 kërkojnë ta bëjnë të lumtur Neymar dhe kush më tepër se një kontratë faraonike do e bënte të lumtur 27 vjeçarin. Duke iu referuar këtyre burimeve, PSG kërkon rinovimin e kontratës me Neymar dhe është e gatshme të ofrojë plot 50 milionë euro në sezon për të.
Kjo e shndërronte yllin brazilian në një makineri të vërtetë të ardhurash, teksa do e bënte lojtarin më të paguar në rruzull. Aktualisht, Neymar është lojtari i dytë më i paguar, pas Lionel Messit, me 36.8 milionë euro.
Gjatë merkatos së verës, Neymar u kërkua me ngut nga Barcelona, Reali i Madridit dhe Juventusi.
Loading ...Shkrime të Ngjashme
