Dinamo nuk e ka nisur aspak mirë sezonin në Kategorinë e Parë. 18 herë kampionët e vendit në 4 ndeshje kanë vetëm 1 pikë, pasi kanë 1 barazim dhe kanë pasuar 3 humbje dhe ndodhen në vendin e parafundit në Grupin A të të Parës.
Në këto kushte, kanë reaguar tifogrupi "Blue Boys", që me anë të një postimi në rrjetin social Facebook, i bëjnë thirrje tifozëve të shkojnë në stadium për të mbështetur ekipin, pasi kjo është ajo që i duhet më shumë kësaj skuadre në këto momente.
Më tej, i bëhet thirrje edhe lojtarëve edhe drejtuesve, që të bëjnë kthesën, ose të marrin përgjegjësinë dhe të largohen.
Postimi i "Blue Boys":
"Duke u nisur nga rezultatet jo pozitive të ekipit, BLUE BOYS i bën thirrje për kthimin në tribuna të gjithë tifozëve Dinamovitë, duke nisur nga ndeshja e radhës me Erzenin.
Në momentet më të vështira të ekipit, ne kemi qene dhe do të jemi gjithmonë aty si grupim, por Dinamo ka nevojë për të gjithë ju që i thoni vetes Dinamovit!
I bëjmë thirrje lojtarëve dhe stafit drejtues të bëjnë detyrimisht kthesën duke nisur nga ndeshja e ardhshme, ose të marrin pergjegjësite e të largohen!
Ju jeni kalimtarë, DINAMO ËSHTË E PËRJETSHME!
Shihemi në tribunë,
BLUE BOYS"
Lexo gjithashtu
