Mesfushori shqiptar që po zhvillon ndeshje shumë të mira me Zvicrën në kampionatin Europian është vënë nën vëzhgim nga skuadra e Milanit. Xhemaili është në pronësi të klubit turk të Gallatasarait deri në verën e 2017, ndërsa sezonin e fundit e ka luajtur si i huazuar te Xhenoa në Seria A.
Klubi milanez është i gatshëm ti paguajë turqve një dëmshpërblim prej 3 milionë eurosh në mënyrë që të sigurojë shërbimet e lojtarit.
Edhe vetë lojtari ka shprehur dëshirën të vazhdojë të luajë në Seria A për sezonin e ardhshëm. Ai ka luajtur edhe për skuadra të tjera italiane më parë si Parma, Napoli dhe Torino.
