Pas pak minutash Spezia pret Genoan në shtëpi. Trajneri i vendasve, Motta ka vendosur që Rey Manaj të mos jetë titullar, duke e nisur kështu takimin nga stoli.
Sulmuesi shqiptar nuk ishte i ftuar ndaj Sampdorias. Manaj deri më tani është aktivizuar në 5 sfida të debutuesve të Serie A, por pa ia dalë dot të shënojë apo të dhurojë assist.Synimi është përshtatja, e cila, si duket, po vonon. Spezia kërkon qëndrimin në elitë dhe aktualisht renditet në vendin e 17-të, me 7 pikë të grumbullara. Sot ndaj Genoas luhet një akt tejet i rëndësishëm për sa i përket qëndrimit mes më të mirëve.