Justin Bespalla një nga ish mesfushorët e Teutës ka folur rreth ecurisë së skuadrës durraske. Aktualisht në rolin e trajnerit të moshave Bespalla ka folur para sfidës ndaj Kukësit në emisionin "Zona Gol". Ish-lojtari i Teutës shprehet se skuadrës i mungon njeriu "gol".
"Kjo Teutë e sotme na ka ngjallur shpresat për të ngjarë asaj Teute që kemi luajtur ne. Hap pas hapi kjo skuadër mund të rikthehet të luftojë për titullin kampion.
Teuta ka patur gjithmonë lojtar dhe talenta brez pas brezi, nëse punohet me këta talente që ka aktualisht mund të nxjerri lojtarë pasi Tetuta është mbretëresha e futbollit shqiptar dhe gjithmonë ka nxjerr lojtarë.
Reparti më i mirë është mesfusha, i ndihmuar edhe nga mbrojtja. Teutës i mungon një lojtar goli dhe sulmi duhet të përmirësohet akoma më shumë. Tani që janë bërë afrime në merkaton e janarit Teuta do të arrijë ta zgjidh problemin e golit, pasi Teuta është një skuadër në grup dhe nuk varet nga lojtarët individualë", u shpreh Bespalla.
Lexo gjithashtu
