Skuadra e Bayern Munich arriti të siguronte shërbimet e Kim Min-jae, Qendërmbrojtësi që në sezonin që sapo lamë pas ishte pjesë e ekipit të Napolit, vendosi të mbyllte aventurën me italianët. Ai zgjodhi të transferohej tek Bayerni për shumën e 50 milionë eurove edhe pse kishte oferta nga Manchester United.
Mbrojtësi duket mjaft i lumtur për kalimin e tij në Munich teksa shihet dhe në intervistën e parë të dhënë si futbollist i Bayern.
“Bayerni është një ëndërr për çdo futbollist. Pres me padurim atë që do të vijë në Munich. Është një fillim i ri për mua. Unë do të vazhdoj të zhvillohem këtu. Në diskutimet me klubin, më është bërë e qartë që në fillim se sa të interesuar janë për mua. Qëllimi im i parë është të luaj shumë ndeshje. Përveç kësaj, dua të fitoj sa më shumë trofe të jetë e mundur”, ka thënë qendërmbrojtësi koreano-jugor.
Lexo gjithashtu
