Është përfolur shumë në media për interesimin e Barcelonës për mesfushorin e Manchester City, Ilkay Gundogan. Më herët “Sport” ka raportuar se është arritur akordi me gjermanin që do firmosi për dy vite për katalanasit me një pagë prej 12 milionë euro në sezon.
Por agjenti i Gundogan është shprehur krejt ndryshe nga sa është raportuar në media mbi situatën e lojtarit. Për “AS” ai është shprehur:
"Jam i surprizuar se nga dalin këto histori për një marrëveshje që qenka mbyllur prej javësh. Nuk ka asnjë marrëveshje me asnjë klub. Nuk është vendosur ende se ku do të luajë ai vitet e ardhshme.Ilkay mund të fitojë akoma tre trofe këtë sezon me si kapiten i Manchester City. Kjo është e vetmja gjë në të cilën ai është i fokusuar.”
Ky koment i agjentit vjen pasi gazetari Gerard Romero raportoi se Barcelona nuk e takoi agjentin e Gundogan dje, por ishte drejtori i Interit Piero Ausilio që ka qenë tek zyrat e klubit katalanas. Sa për Gundogan, mesfushori do të jetë i lirë nga merkato e verës dhe shihet si opsion potencial për lojën e ekipi të Xavit.
Lexo gjithashtu
