Barcelona vazhdon të kërkojë mënyra për të rritur të ardhurat dhe po finalizon një sponsorizim të ri që do të sillte një shumë të konsiderueshme parash. Sipas asaj që raporton “Mundo Deportivo” sponsori i ri i Barçës do të jetë një kompani teknologjike me biznes në Holandë, megjithatë nuk do të jetë Philips, një markë me të cilën ka pasur spekulime orët e fundit.
Njoftimi i sponsorit të ri do të zyrtarizohet të enjten por ideja e klubit është që pasi të mbyllet marrëveshja, sponsori i ri të jetë në fanelë në ndeshjen e rradhës të Barcelonës në Camp Nou ndaj Mallorca-s. Është folur për shuma afër 50 milionë euro për pesë sezone dhe vendndodhja e sponsorizimit të ri, mund të jetë mëngë, pasi Barça nuk ka reklamuar në atë zonë të fanelës që nga koha kur Beko pushoi së shfaquri në të. Tashmë katalansit po kërkojnë ta shfrytëzojnë atë hapsirë për të rrëgulluar balancat e klubit.
Lexo gjithashtu
