Barcelona beson shumë se në fund do ia dalë të sigurojë shërbimet e Joan Cancelos. Portugezi u transferua në limitin e merkatos në “Camp Nou”, teksa shumë shpejt ka arritur të jetë protagonist.
Blaugranat e kanë marrë në huazim, teksa nuk është përfshirë mundësia për të blerë kartonin e tij në fund të sezonit. Gjithsesi drejtuesit besojnë se do të arrinjë një marrëveshje me Manchester Cityn për të siguruar plotësisht shërbimet e tij.
Anglezët nëse hyjnë në bisedime pë të shitur plotësisht portugezin nuk pranojnë ofertë poshtë 70 milionë euro, shumë kjo që konsiderohet e lartë nga spanjollët. Barça siç dihet prej vitesh tashmë ka probleme financiare dhe kjo mund ta pengojë.
Sipas Diario Sport, oferta aktuale e Barcelonës është vendosur në 25 milionë euro dhe një mori bonusesh të lidhura me performancën. Shumë kjo shumë larg asaj që kërkojnë anglezët. Gjithsesi gjithmonë merkatot kanë sjellë surpriza dhe mbetet të shihet se çfarë do të ndodhë verën e ardhshme.
Lexo gjithashtu
