Granit Xhaka është padiskutim një nga lojtarët kyç të Zvicrës, mesfushori me origjinë shqiptare mban dhe shiritin e kapitenit në krah duke udhëhequr kështu “helvetët” drejt kualifikimit në Euro 2024. Në sfidën kundër Bjellorusisë që u zhvillua mbrëmjen e djeshme, ish-lojtari i Arsenal arriti të thyente një rekord dhe të hynte në historinë e kombëtares zviceriane. 31-vjeçari ka arritur të mbajë veshur fanelën e Zvicrës në 118 ndeshje duke barazuar kështu rekordin e legjendës zviceriane, Heinz Hermann. Xhaka ka bërë një postim në rrjetet sociale, teksa flanederon të gjithë për mëbshtetjen dhe mundësinë e dhënë, ndërsa thekson se për të është nder dhe privilegj që mban veshur këtë fanelë. “Është një nder i jashtëzakonshëm të mbash rekordit në Kombëtare së bashku me të madhin Heinz Hermann. Një falënderim i madh për krejt njerëzit që më kanë mbështetur ndër vite: familjes, miqve, trajnerëve, stafeve dhe bashkëlojtarëve. Pa ju, nuk do të ishte e mundshme t’i arrija 118 ndeshje me Zvicrën. Dhe, një falënderim special për tifozët. Ka qenë gjithmonë privilegj i madh të luaj për Zvicrën dhe përpara jush. Faleminderit. Edhe shumë të tjera do të vijnë”, ka shkruar ish-futbollisti i Baselit, Borussia Monchengladbachut dhe Arsenalit.

 

View this post on Instagram

 

A post shared by Granit Xhaka (@granitxhaka)