Futbollisti i Teutës, Ergys Peposhi dha prononcimin e tij pas ndeshjes me Partizanin. Anësori i dursakëve shënoi golin për ekipin e tij dhe për mikrofonin e MCN shprehet se u përjetua si humbje për mënyrën si shkoi loja. Autori i golit gjithashtu kërcënon Egnatian duke u shprehur se Teuta hyn për 3 pikë dhe mund të mposhtë këdo.
“Mënyra sesi shkoi loja u përjetua pak si humbje. Vazhdojmë përpara, donim ta fitonim këtë ndeshje dhe besoj se e meritonim, por ky është futbolli. Roli i ri? Unë jam sulmues krahu, por luajmë me 3-5-2 dhe besoj se ja kam arritur. Trajneri do që të kap zonat boshe dhe besoj ia kam dalë.
Mund të mundim çdo ekip, kemi kualitet dhe përballojmë të gjithë. Me Egnatian e kemi në fushën tonë dhe futemi për 3 pikët. Ne futemi të bëjmë maksimumin dhe shpresojmë për fitore me Egnatian që ta kthejmë situatën në favorin tonë”, tha Peposhi.
Lexo gjithashtu
