Janë luajtur ditën e sotme tre ndeshje të vlefshme për javën e 16-të të Superilgës së Kosovës. Drita priti në shtëpi Feronikelin, Dukagjini u përball me Prishtinën, ndërsa Fushë Kosova luajti në transfertë kundër Ballkanit.
Drita fitoi me rezultatin 3-1 kundër Feronikelit. Golat për “Intelektualët” u shënuan nga Krasniqi, Baftiu dhe Prapashtica, ndërsa golin e vetëm për miqtë e shënoi Zoungrana. Me këtë fitore Drita shkon në vendin e dytë me 28 pikë, ndërsa Feronikeli mbetet në zonën e ftohtë duke u renditur e 8-ta me vetëm 15 pikë.
Prishtina luajti në transfertë përballë Dukagjinit, por duke u kënaqur me 1 pikë. Ndeshja përfundoi në barazimin pa gola. Me këtë barazim Prishtina mbetet në vendin e 5-të me 22 pikë, ndërsa Dukagjini në vendin e 6-të me 21 pikë.
Në krahun tjetër Ballkani i Ilir Dajës mori një tjetër fitore duke vazhduar rrugën drejt mbrojtjes së titullit kampion. Ekipi nga Theranda fitoi me përmbysje 2-1 përballë Fushë Kosovës. Golat për Ballkanin u shënuan nga Hamidi dhe Zyba, ndërsa për Fushë Kosovën shënoi Meziu. Me këtë fitore, Ballkani “blindon” vendin e parë me 38 pikë, ndërsa Fushë Kosova mbetet në vendin e parafundit me 10 pikë.
Lexo gjithashtu
