Trajneri i Moldavisë, Serghei Cleșcenco, foli pas sfidës me Poloninë ku skuadra e tij arriti një fitore spektakolare me përmbysje duke zhvlerësuar avantazhin 0-2 të polakëve. Kjo fitore ishte një asist perfekt për Shqipërinë që merr vendin e dytë në grup pas fitores me Ishujt Faroe.
“Bëmë një bisedë të shkurtër në pushimin mes pjesëve. I pyeta lojtarët se çfarë kishim për të humbur tjetër përveç se nderit. Djemtë besuan në veten e tyre dhe ja dolën mbanë më së miri. Jam i sigurt se asnjë person në stadium ose nga ata që po e shikonin në TV nuk besonin se do të përmbysnim sfidën.
Nuk mund të luajmë futboll sulmues dhe të hapur ndaj kundërshtarëve të fortë si Polonia apo Republika Çeke. Dështime ka, siç ishte ajo me Shqipërinë, por kjo flet vetëm për gjendjen e brendshme të lojtarëve”, shprehej Kleshçenko.
Lexo gjithashtu
