Arsenali mori një fitore spektakolare ndaj Newcastle në Premier League, me “Topçinjtë’ që triumfuan me shifrat 4-1. Skuadra e Mikel Artetës po kalon një moment të mirë në kampionat, teksa ka 6 fitore rresht, duke mbajtur kështu hapin e Manchester Cityt dhe Liverpool në garën për titullin kampionat.
Pas triumfit me Newcsastle, Arteta deklaroi se skuadra e tij bërëi një lojë të bukur dhe kishte ritëm gjatë githë ndeshjes. Përveç ëksaj nënvizoi se skuadra ka ende shumë për të përmirësuar, ndërsa lajm i mirë për të është rikthimi i lojtarëve të rëndësishëm nga dëmtimet.
“Jam shumë i lumtur me paraqitjen tonë dhe kundër nesh ishte një ekip i fortë si Newcastle. Ata kanë mjaft cilësi për ta vështirësuar çdo kundërshtar. Megjithatë, ne performuam në një nivel të lartë. Djemtë vepruan në mënyrë agresive dhe e merituan fitoren. E mbajtëm ritmin deri në fund dhe ishte bukur të shikoje se si luajtëm.
Ne jemi të lumtur dhe duhet të vazhdojmë në të njëjtën frymë. Ka edhe gjëra që duhet të përmirësojmë. E mira është që lojtarët e rëndësishëm po kthehen nga dëmtimet”, ka përfunduar timonieri i “Topçinjve”.
Lexo gjithashtu
