Vora arriti rikthimin në Kategorinë e Parë duke u ngjitur si kampione. Vorakët arritën të fitonin grupin A në Kategorinë e Dytë dhe më pas të mposhtnin Elbasanin në finale dhe duke u kurorëzuar kampione në të Dytën.
Rikthimi në të parën ka bërë që drejtuesit të hidhen nga puna për ndërtimin e një skuadre kompetitive. Fillimisht u rinovua me disa prej lojtarëve që rikthyen skuadrën në Kategorinë e Parë. Më pas ata u hodhën në treg.
Deri më tani Vora ka afruar plotë 8 lojtarë për sezonin e ardhshëm. Por drejtuesit duket se nuk do ndalenme kaq pasi pritet të bëjnë edhe dy afrime të tjera për të kompletuar mbrojtjen. Trajneri Artan Mërgjyshi ka luksin për zgjedhje pasi çdo repart përbehet nga 2 lojtarë.
Në portë do të duelojnë për një vend titullari, Ruçi dhe Jata, përsa i përket mbrojtes nga krahët janë, Sefa, Ismaili, Shani dhe Pereira. Ndërsa në qendër të mbrojtjes janë vetëm 2, Gjonaj dhe Karaj. Mesfusha përbëhet nga Tabaku, Balla, Xhemalaj, Avdiu, Meta dhe dalipi. Sulmi përbehet nga Vrapi, Ntepe, Raboshta, Raza, Prengaj dhe Peralta.
Lexo gjithashtu
