Arsen Wenger ka folur për të kaluarën duke zbuluar një fakt mjaft interesant. Trajneri legjendar i Arsenalit ka treguar se në të shkuarën “Topçinjtë” kanë tentuar transferimin e Lionel Messit dhe Gerard Piques nga Barcelona.
Në atë periudhë ishte Cesc Fabregas që kaloi në Angli. E bashkë me të, Arsenal provoi të transferonte dyshen Messi – Pique. Në një intervistë të dhënë për televizionin “ITV4”, Wenger ka thënë:
“Të jem i sinqertë, kur e transferuam Cesc, i kontaktuam po ashtu edhe Messin e Piquen. Pique në fund vendosi të shkonte te Man United, Fabregas vendosi të na bashkohej ne, ndërsa Barcelona e mbajti Messin. Kështu kishte ndodhur”.
Fabregas u transferua nga Barcelona te Arsenal në shtator të vitit 2003 në moshën 16-vjeçare. Ai luajti në 303 ndeshje me “Topçinjtë” duke u bërë lojtari më i rëndësishëm i ekipit nga Londra Veriore.
