Dani Alvesh është arrestuar nga Policia spanjolle pasi akuzohet për sulm seksual. Mbrojtësi veteran është në paraburgim pas një akuze të ngritur kundër tij në dhjetor të vitit të shkuar. Ai është arrestuar në Katalunja.
Nëse akuzat provohen, sipas “El Pais”, braziliani do të rrezikonte 4-12 vite burg ndërsa nga ana tjetër, klubi i Pumas në Meksikë përfundoi në mënyrë të njëanshme kontratën e Alves.
“Me këtë vendim, klubi rikonfirmon angazhimin e tij për të mos toleruar asnjë veprim nga asnjë anëtar i institucionit tonë, cilido qoftë ai, për të cenuar frymën universitare dhe vlerat e tij. Pumas është një institucion që promovon respekt, sjellje të ndershme, dinjitoze dhe profesionale të lojtarëve të saj, brenda dhe jashtë fushës”, shkruhej në komunikatën e meksikanëve.
Lexo gjithashtu
