Lufta që ka nisur prej ditësh mes Izraelit dhe Hamasit ka prekur edhe lojën më të bukur, futbollin. UEFA nëpërmjet një postimi në rrjetet sociale ka bërë të ditur se ka marrë vendimin për të shtyrë të gjitha ndeshjet e planifikuara në Izrael për të zhvilluar në 2 javët e ardhshme.
E gjitha kjo për shkak të situatës në të cilën është përfshirë Izraelin. Në këtë mënyrë ëhstë shtyrë sfida e Euro 2024 mes Izraelit dhe Zvicrës e parashikuar të luhet më 12 tetor. Detajet të reja pritet të mëoshen në vazhdim në një moment të dytë nga UEFA.
Në këto kushte në pikëpyetje është edhe sfida mes Kosovës dhe Izraelit e cila është parashikuar të luhet më 15 tetor në “Fadil Vokrri” dhe që është e vlefshme për kualifikueset e Euro 2024. Sipas gazetarit të njohur, Arlind Sadiku bëhet me dije se skuadra izraelite ka anuluar rezervimin e hotelit në Prishtinën dhe me shumë gjasa edhe kjo sfidë po shkon drejt shtyrjes. Për këtë takim UEFA do të vazhdojë të monitorojë më detajisht situatën dhe do të marrë në orët në vazhdim një vendim për këtë duel.
Lexo gjithashtu
