Antonio Conte u dërgua me urgjencën në spital pak ditë më parë. Tekniku i Tottenham i ëhstë nënshtruar tashmë një operacioni që fatmirësisht e ka kaluar me sukses.
Pikërisht për këtë ka reaguar nëpërmjet një postimi në “Insta-Story”. Timonieri i “Spursave” falenderon të gjithë për mbeshtetjen. Ndër të tjera ai nënvizon se mezi pret të bashkohet me pjesën tjetër të skuadrës.
“Faleminderit të gjithëve për mesazhet tuaja të dashura, operacioni im shkoi mirë dhe tashmë ndihem shumë më mirë. Tani është koha për t’u rikuperuar, por mezi pres të jem në gjendje të rikthehem në fushë me pjesën tjetër të ekipit”, ka shkruar Conte.
Timonieri do të marrë kohën e nevojshme për rikuperimin e tij, ndërsa nuk dihet akoma se kur mund të rikthehet në pankinë për të drejtuar të tijtë.
Lexo gjithashtu
