Ansi Nika nuk është më pjesë e Kukësit, ndërsa është një prej lojtarëve që kërkohen më tepër në merkaton e verës nga skuadrat më në zë të kampionatit. Problem jo pak i vogël mbetet vendlindja e tij, Shkodra, pasi aty ai dëshiron të rikthehet, por që pjesëtarë të klubit nuk e dëshirojnë. Kjo ka të bëjë me karakterin e tij, ndoshta dhe me mënyrën sesi është larguar disa vite më parë. Megjithatë, ai i ka përkohësisht dyert e mbyllura te Vllaznia, gjithnjë sipas burimeve pranë klubit shkodran.
Mirëpo, shkuarja e Gugash Maganit te Flamurtari, një njohje e vjetër e tij, ka bërë që ai të jetë i preferuar për kuqezinjtë e vitit të ardhshëm. Ai është pjesë e listës së dëshirave të Maganit, ndërsa pritet që shumë shpejtë të ketë akord. Lojtari ende ndodhet me pushime, teksa brenda pak ditësh mësohet se do të arrihet të firmoset kontrata. Në këtë periudhë, bëhet me dije se janë duke u diskutuar detajet e saj.
Lexo gjithashtu
