Real Madrid arriti të rikthehej te fitorja në kampionët, teksa mposhti 2-0 Cadiz në kuadër të javës së 29-të të La Liga. “Los Blancos” shkojnë tashmë -10 nga Barcelona, me këtë të fundit që ka një ndeshje më pak.
Pas këtij triumfi Carlo Ancelotti foli për mediat, ndërsa theksoi se nuk ka qenë aspak e lehtë, por lojtarët janë treguar të jashtëzakonshëm në këtë sfidë.
“Mendoj se Asensio po ruan të njëjtin nivel si vitin e kaluar, ai është vendimtar sepse shënon me shanset që ka.
Pak gola? Preferoj punën në grup, nuk ishte e lehtë për t’u përgatitur dhe qëndrimi i lojtarëve ishte spektakolar. Këto ndeshje të bëjnë të kesh më shumë dyshime, sepse shumë kanë bërë mirë. Tchouaméni luajti shumë mirë, Ceballos, Asensio, Karim i zakonshëm. Kam dyshimet e mia, por edhe qetësinë shpirtërore për të pasur kaq shumë alternativa.
Po bëjmë shumë mirë, skuadra ka energji, të dhënat e Karimit që është 35 vjeç dhe ka luajtur dy ndeshje të tilla radhazi janë shembulli më i mirë. Mund të kishim bërë më mirë këtë sezon, mendoj se kemi paguar shumë në janar. Humbëm pikë të cilat aktualisht na vënë në disavantazh. Benzema e pashë kaq mirë, të freskët. Jam i trishtuar sepse ai nuk shënoi, por ishte kënaqësi ta shihja dhe ishte e vështirë ta largoja sepse doja ta shijoja në fushë.
Kroos dhe Vinicius? Ata janë gati për të luajtur, ata tashmë janë stërvitur sot dhe do të jenë në maksimumin e tyre të martën”, përfundoi trajneri italian.
Lexo gjithashtu
