Fondi i Investimeve Publike të Arabisë Saudite (PIF) mori një javë më parë pronësinë e klubit të Newcastle në Premier League. Pas 14 vitesh në duart e Mike Ashley, klubi historik anglez kaloi në duart e Bin Salman, Princit të Kurorës Arabe.
Një gjë e tillë ka shtyrë organizatën e të drejtave të njeriut "Amnesty Internacional" që të kërkojë takim me ligën e futbollit. Gjithçka vjen pasi të drejtat e njeriut në Arabinë Saudite janë në rekordin më negativ dhe Amnesty raportoi se marrëveshja 305 milionë paund për blerjen e klubit, është një "goditje jashtëzakonisht e hidhur për të drejtat e njeriut".
"Mënyra sesi Premier League e kaloi këtë marrëveshje ngre një mori pyetjesh thellësisht shqetësuese në lidhje me pastrimin e parave, në lidhje me të drejtat e njeriut dhe sportin dhe në lidhje me integritetin e futbollit anglez.
Ngjarjet e javës së kaluar do t'i kenë dhënë edhe më shumë urgjencë rishikimit të vazhdueshëm të Ministrisë për qeverisjen e futbollit anglez", tha një përfaqësues i Amnesty.
Veç të tjerave, Princi Bin Salman akuzohet për urdhërimin e vrasjes së gazetarit kritik për qeverinë arabe, Jamal Khashoggi.
Lexo gjithashtu
