Alvaro Morata nxirret në “rrugë”, Reali kërkon 60 milionë euro, ekipi italian gati për “ok”

Drejtuesit e klubit të Real Madridit po mendojnë seriozisht të largojnë Alvaro Moratën nga ekipi i tyre. Prej disa ditësh është diskutuar kjo çështje, por vetëm sot është zbuluar se çfarë kërkojnë madrilenët në këmbim të futbollistit.

Të përditshmet spanjolle kanë shkruar sot disa arkujt, ku thuhet, se Reali ka hapur derën për Moratën në këmbim të vlerës 60 milionë euro. Sipas statisikave të fundit që janë nxjerrë nga vetë klubit, rezulton se “konkurenti” i Moratës, Benzema, është më mirë. Kjo ka bërë që presidenti Florentino Perez të bëjë llogaritë për të larguar ish-futbollistin e Juventusit.

Vetë trajneri Zinedine Zidane mësohet të jetë shprehur, se ndihet më i sigurt kur ka në fushë Benzemanë sesa Moratën. Një largim i tillë do ishte lajm i mirë për ekipet italane, si Juventus dhe Napoli, që do të jenë të gatshme të shpenzojnë 60 milionë euro për ta rikthyer futbollistin në Itali, shkruan e përditshmja spanjolle “Diario Gol”.