Kontrata me McLaren skadon në fund të vitit 2017 dhe nuk dihet ende nëse Fernando Alonso do të vendosë të vazhdojë të garojë më në Formula 1. Piloti spanjoll nuk e përjashton një largim nga cirkuitet, por gjithçka do të varet nga hapësirat që do t’i jepen atij në pistë. Sezoni 2017 do të jetë një vit i vështirë dhe vendimtar, pasi do të vihen në jetë rregullat e reja të aerodinamikës që mund të ndryshojnë dhe hierarkinë e garës.
“Asgjë nuk është vendosur”, ka deklaruar Alonso për “Espn”. “Në këtë moment dua të vazhdoj të garoj, sepse është pasioni im pasi probabilisht jam i sigurt për këtë që bëj. Formula 1 do të jetë prioritet nëse vitin e ardhshëm makinat do të jenë të kënaqshme për të garuar. Në të kundërt ka disa alternativa. E kam thënë disa herë që të fitoj garën e La Manshit është një nga objektivat e mia. Do e shohim”..
Nuk ka hapësirë për keqardhje nëse nuk e fitoj titullin e tretë: ” Vendimet e marra në një kohë të caktuar janë bërë për shkak se kam besuar se do të jetë më mirë. Nuk ia vlen të shoh prapa dhe të ndryshoj mendim, duhet të ndryshojë. Nuk pendohem për asgjë, sepse kam bërë të gjitha zgjedhjet e mia me zemrën time dhe unë jam i kënaqur”.
