Ballkani ka siguruar 3 pikët në një ndeshje që vuajti jo pak. Skuadra e Ilir Dajës mposhtën 2-1 ekipin e Drenicës. Ishin pikërisht miqtë që kaluan të parët në avantazh me anë të Bintsouka në minutën e tetë të pjesës së parë. Gjithsesi, vendasit u rikthyen në lojë dhe barazuan me anë të Albion Rrahmanit që shënoi në minutën e 25-të.
Në këtë mënyrë pjesa e parë do të përfundonte 1-1, ndërsa do të duhej vetëm minuta e 88-të të takimit për të parë edhe golin e fitores. Do të ishte sërish i përhershmi Rrahmani që do të tunde rrjetën për t’i dhuruar Dajës një fitore mjaft të rëndësishme.
Ballkani ruan vendin e parë me 44 pikë, 3 më shumë se Drita e vendi të dytë, ndërsa Drenica mbetet në vendin e fundit me 20 pikë.
Poll
Lexo gjithashtu
