Albi Doka u rikthye te Tirana këtë merkato pasi mbylli aventurën në Hungari me Honved. Mbrojtësi i djathtë vjen si një përforcim me shumë vlera për bardheblutë të cilët duan të kenë sukses edhe në Europë.
Ekipi ndodhet në Ohër ku po zhvillon fazën përgatitore për ndeshjen e parë në Conference League ndaj Dinamo Batumi, më 13 korrik në “Air Albania”. Skuadra është shumë e fokusuar nën drejtimin e trajnerit Orges Shehi, por momentet festive nuk mungojnë.
Është pikërisht Doka ai që feston ditën e sotme ditëlindjen e 26-të. Klubi e ka uruar me një postim në rrjete sociale dhe sot mund të ketë një drekë të ofruar nga ai.
Poll
Lexo gjithashtu
