Aymeric Laporte mund t'i bashkohet Cristiano Ronaldos dhe Sadio Mane tek Al-Nassr pasi Manchester City ka pranuar një ofertë për mbrojtësin. Sipas The Athletic, City ka marrë vendimin për të pranuar ofertën e Al-Nassr për mbrojtësin spanjoll. Kjo ka krijuar terrenin për transferimin e mundshëm të Laportes në klubin e Arabisë Saudite.
Laporte u përball me sfida të konsiderueshme në City pasi humbi besimin e Guardiolas dhe pati vetëm 12 paraqitje në Premier League në sezonin e kaluar. Ardhja e Josko Gvardiol nga Leipzig, gjithashtu një qendërmbrojtës me këmbë të majtë, e ndërlikon më tej situatën e tij në Etihad.
Laporte dëshiron të marrë minuta të rregullta për të qëndruar në garë për kombëtaren spanjolle në prag-Euro 2024. Luis de la Fuente mbështetet tek ai në pozicionin e qendrës së majtë dhe për të mbajtur vendin e tij të siguruar, mbrojtësi dëshiron të luajë sa më shumë që të jetë e mundur, veçanërisht me turneun ndërkombëtar që është më pak se një vit larg.
Lexo gjithashtu
