Përpara sfidës në Champions me Manchester City foli në konferencën për shtyp trajneri i Bayern Munchen Thomas Tuchel. Takimi i nesërm në “Etihad” do të jetë debutimi i Tuchel në Champions me bavarezët.
Tuchel u pyet edhe për duelin me trajnerin e Manchester City Pep Guardiola. Në 2021 në finale Tuchel me Chelsean e mundi City-n e Guardiolës duke fituar Championsin.
“Është deri diku e qartë se çfarë presim nga City, ata kanë qenë lart prej 6 apo 7 vitesh”, shprehet Tuchel. “Ata luajnë futboll shumë sulmues dhe të nivelit të lartë. Jemi të përgatitur për një sfidë të nivelit të lartë, ndoshta më të lartën që mund të ofrojë futbolli evropian për momentin.
Natyrisht që jam shumë i motivuar për të kërkuar fitoren, është një dhuratë e madhe për mua të jem në çerekfinale. Guardiola u jep skuadrave të tij një stil të caktuar, ajo që bën është unike dhe ne do të përpiqemi të marrim masat e duhura për të marrë rezultat të mirë dhe për të lënë gjurmë në ndeshje.
Haaland? Ka shifra mbresëlënëse, shquhet për atletizmin dhe urinë për gola. Nuk mjafton një zgjidhje tekniko-taktike për ta ndalur, do të duhet të vëmë veten në provë edhe në duele direkte. Ne duhet ta ndalim atë si ekip”.
Lexo gjithashtu
