Yves Jean-Bart është pezulluar nga FIFA sepse akuzohet për abuzime seksuale. Presidenti i Federatës së Futbollit të Haitit ka mohuar gjithçka, megjithatë ai akuzohet se ka detyruar vajzat e Kombëtares të kryejnë marrdhënie seksuale me të. Të kërcënuara për një vend në përfaqësuese, futbollistet janë detyruar t’i nënshtrohen kërkesave të tij.
“Në përputhje me nenet 84 dhe 85 të Kodit të Etikës FIFA, dhoma hetimore e Komitetit të pavarur të Etikës ka ndaluar përkohësisht Z. Yves Jean-Bart, President i Federatës së Futbollit Haitik (FHF), nga të gjitha aktivitetet që lidhen me futbollin në nivel kombëtar dhe ndërkombëtar, për një periudhë prej 90 ditësh “, tha FIFA të hënën në një deklaratë.
73-vjeçari ka mohuar gjitha akuzat, por do të jetë Gjykata ajo që do të zbardhë dhe do të vendosë për presidentin e Federatës së Haitit.
Lexo gjithashtu
