Sadio Mane sulmuesi i Bayern ka folur për “Bild” për rikthimin e tij nga dëmtimi. Senegalezi është rekuperuar por ende nuk ka minuta të plota në këmbët e tij. Në fundjavë ndaj Union Berlin ai e nisi ndeshjen nga stoli. Pritet që takimin tjetër në kampionat ai të ketë më shumë minuta dhe javës tjetër ndaj PSG mund ta nisë edhe nga starti lojën.
Pikërisht për sfidën në Champions ai u pyet nga gazetarët e Bild. Bayern fitoi sfidën e parë në “Parc de Princes” 0-1 me golin e Coman. Në Mynih gjermanët bavarezët shkojnë më të qetë me avantazhin e një goli. Në takimin e parë më i rrezikshmi për parizienët ishte Kylian Mbappe i cili u fut në pjesën e dytë dhe shënoi dy gola por që të dyja u anulluan për pozicion të parregullt nga VAR.
Mane u pyet nëse ka ndonjë njeri që mund ta ndalë Mbappe. “Kur e pashë të hynte (në ndeshjen e parë) kuptova se sa ndikim ka në lojë, por mbrojtësit tanë mund ta ndalojnë: De Ligt dhe Upamecano janë lojtarë të mëdhenj, të fortë dhe inteligjentë. Ata janë rritur jashtëzakonisht shumë këtë sezon”, u shpreh Mane.
Lexo gjithashtu
