Richarlison u fotografua në lot pasi nuk arriti të gjente sërish rrjetën në fitoren 5-1 të Brazilit ndaj Bolivisë. Sulmuesi u hoq nga loja me pak më pak se 20 minuta të mbetura nga loja dhe nuk i mbajti dot lotët teksa ulej në pankinë.
Ai mund të vendoste emrin e tij në listën e golashënuesve, por humbi një mundësi të artë përballë portierit. Pasi dribloi kundërshtarin, ai dërgoi topin sipër traversës vetëm 7 metra larg portës në fillim të pjesës së dytë.
Braziliani ka kaluar një periudhë të vështirë që kur u transferua te Spurs në verën e 2022. Ai shënoi golin e tij të parë në Premier League për klubin në prill në humbjen e tyre 4-3 jashtë Liverpoolit dhe tani kanë kaluar pak më shumë se 9 muaj që kur shënoi për herë të fundit për “Selecao”, atë kundër Koresë së Jugut në Kupën e Botës.
Ka ende shpresë për Richarlison teksa Brazili do të përballet me Perunë në orët e para të mëngjesit të së mërkurës dhe sulmuesi mund të ketë sërish shanset e tij për të thyer këtë mallkim.
Lexo gjithashtu
