Fenomeni i shkarkimeve të trajnerëve është ‘traditë’ në futbollin shqiptar, por këtë sezon është bërë ‘bajat’. Plot 8 shkarkime në vetëm 10 javë në një kampionat që ka vetëm 10 skuadra. Ivan Gvozdenovic është një prej atyre që i ka shpëtuar këtij ‘virusi’ dhe trajneri i Skënderbeut shprehet se kjo nuk është e drejtë.
"Të gjithë trajnerët janë nën presionin e pikëve, por për mua në 10 javë të shkarkohen kaq shumë trajnerë nuk më duket e drejtë. Unë mendoj se çdo trajner ka nevojë që t'i jepet mundësia që të punojë për një kohë të gjatë në ekip.
Janë ekipe të reja, me futbollistë të rinj, që kanë nevojë për pak kohë, por unë nuk mundt të gjykoj se nuk e di se si ka qenë situata në ato ekipe. Në fund të fundit presidentët janë ata që vendosin."
Lexo gjithashtu
