Pas 4 vitesh është rithyer në qendër të vëmendjen edhe njëherë vdekja e Emiliano Sala. Argjentinasi ndërroi jetë në janar të 2019, ku avionic në të cilën po udhëtonte argjentinasi u përplas në det.
Sulmuesi ishte nisur drejt Cardiff për të kompletuar një transferim nga Nantes, gjë e cila fatkeqësisht nuk u arrit kurrë. Ky operacion asokohe do të kushtonte 15 milionë euro dhe vetëm 4 vite më pas Cardiff i ka paguar skuadrës franceze këstin e parë për këtë transferim që është 5 milionë euro.
Çështja e pagesës së transferimit përfundoi në gjyq, deri në CAS të Lozanës, që i dha të drejtë ekipit francez. Sipas BBC, Kardif ka paguar kështin e parë prej 5 milionë eurosh, ndërkohë që do të paguajë edhe dy këste të tjera, po më këtë shumë.
Deri më tani, Kardif kishte refuzuar të paguante për transferimin e Emiliano Sala, ndaj dhe çështja shkoi në gjykatën e Lozanës. Palët ranë dakord që pagesa të bëhej me tri këste, deri në fund të këtij viti.
Lexo gjithashtu
