Gezetari i njohur sportiv, Ervin Baku, me anë të një postimi në rrjetin social Facebook, shkruan për 12 korrikun, datën e shumëpritur nga të gjithë tifozët e futbollit në vendin tonë. Në këtë datë, Skënderbeu do të marrë edhe përgjigjen përfundimtare nga CAS-i.
Sipas Bakut, 12 korriku do të jetë pozitiv dhe korçarët do triumfojnë në këtë "betejë". Sipas tij, Shqipëria ka nevojë për mbretin e saj dhe Europa ka nevojë për mbretin e futbollit shqiptar, Skënderbeun.
Postimi i gezatarit Ervin Baku:
12KORRIKU DO TË JETË POZITIV
Të gjithë në Korçë janë në pritje të vendimit të KAS-it në lidhje me Skënderbeun. Në fakt në fakt, të gjithë jemi në pritje. Me durim. Dhe me padurim. Të gjithë. Edhe ata që nuk e duan Skënderbeun. Unë, dhe miqtë e mi Teodor Vaso & Veteran Topçiu, kemi pritur dhe po presim me durim. Ata si korçarë 24 karat, unë si i dashuruar pa kushte me "Parisin e vogël", me futbollin e bukur dhe të bukurën në përgjithësi. Unë nuk bëj pjesë te gazetarët "shumë të mëdhenj", po "shumë fare", që kishin burime "të sigurtë", po "të sigurtë fare" në Lozanë dhe nuk e diskutonin fare pjesëmarrjen e Skënderbeut në Europë ketë vit. Kishin nevojë për pak vëmendje të vogël gazetarët "shumë të mëdhenj"... Jo, unë po pres me durim 12 korrikun. Kam pritur me durim çdo datë. Por, sipas kaplloqes sime, 12 korriku do të jetë pozitiv. Pse? Sepse po të ishte negativ do të jepej që më 21 qershor. Tani po bëhen llogaritë. Tani po bëhet matematikë. Se e dini ju, janë "ujqër të vjetër" ata. Më të "vjetër" se "Ujqërit e Dëborët"... Sipas kaplloqes sime, 12 KORRIKU DO TË JETË POZITIV! Futbolli i Shqipërisë ka nevojë për Mbretin e tij! Europa e futbollit ka nevojë për Mbretin e futbollit shqiptar!
Lexo gjithashtu
