Korabi e ka marrë me mjaft seriozitet punën për të marrë pjesë denjësisht në Kategorinë Superiore. Edhe pse është skuadër debutuese, në merkato deri më sot nuk po zhgënjen. Pothuajse tre reparte janë mbyllur, ndërsa pika më e nxehtë mbetet sulmi, i cili ende nuk ka marrë zgjidhje.
[caption id="attachment_20718" align="alignleft" width="225"]
Rudin Nako[/caption]
Përpos shtatë blerjeve të një jave më parë, sot te Korabi kanë hedhur firmën nga porta në mesfushë, plot 9 lojtarë. Duke nisur nga portieri Endrit Prençi e duke vazhduar me mbrojtësit Rudin Nako, Ervis Kaja, Vangjel Zguro, Elvis Prençi dhe më pas me mesfushorët Daniel Jubani, Meglid Mihani, Sokol Mziu e Fation Kiri, të cilët tashmë janë zyrtarisht pjesë e Korabit të Superiores.
Veç tyre, trajneri Artan Mërgjyshi në 48 orët në vijim pritet që t'iu japë përgjigje lojtarëve në provë. Veç lojtarëve në provë, vijojnë negociatat me mbrojtësin e krahut të djathtë, Dusko Dukiç. Lojtari që sezonin e shkuar ka luajtur me Bylisin, pritet që të firmosë, pasi parimisht është rënë dakord për kontratën.
Lexo gjithashtu
